BoldnewsBoldnews

Një vajzë 19-vjeçare është arrestuar nën akuzën se ka vrarë të atin në Shënvlash të Durrësit dhe e ka varrosur trupin e pajetë në oborrin e banesës, duke fshehur ngjarjen. Familjarët e tjerë ndërkohë, kishin bërë kallëzimin për zhdukjen e kryefamiljarit. Pas 10 ditësh hetime, blutë e Durrësit arritën të zbulonin kufomën dhe të zbardhnin krimin. E reja pranoi të jetë ajo autorja e vrasjes dhe groposjes së trupit në oborrin e banesës. Shkaku që sipas saj e ka çuar në kryerjen e krimit ka qenë nxitja prej babait për t’u fejuar pa dëshirën e saj, si dhe konfliktet familjare që kanë patur. Në pranga u vu Hygerta Meta, e akuzuar për veprën penale "Vrasja për shkak të marrëdhënieve familjare” në dëm të të atit Pëllumb Meta, 49 vjeç. Hetimet për rastin vijojnë për të zbuluar nëse ka persona të tjerë të implikuar në ngjarje. Kallëzimi për zhdukje Rreth orës 22:30 të së martës së 13 Shkurtit, djali 25-vjeçar i Pëllumb Metës është paraqitur në komisariat për të denoncuar zhdukjen pa gjurmë të të atit. I riu ka deklaruar para uniformave blu se babai ishte larguar nga banesa dhe se familja (nëna, vëllai dhe dy motrat) kishte humbur kontaktet me të. Pas këtij kallëzimi, efektivët kanë nisur kërkimet dhe tre ditë më vonë (17 Shkurt) kanë gjetur automjetin e të parkuar të 49-vjeçarit në aksin rrugor Shënavlash-Sektor Rinia. Grupi i posaçëm hetimor i ngritur për këtë rast nën drejtimin e Prokurorisë së Durrësit, vijoi hetimet dhe kërkimet, pasi dyshohej se 49-vjeçari ishte zhdukur. Megjithatë, hetuesin zbuluan më vonë se 49-vjeçari nuk ishte zhdukur, por ishte vrarë në banesë. Dhe se autore e vrasjes së 49-vjeçarit është vajza e tij, Hygerta Meta, 19 vjeçe - e cila është arrestuar për veprën penale "Vrasja për shkak të marrëdhënieve familjare”. Vajza ka deklaruar para hetuesve se motivi i vrasjes ka qenë nxitja prej babait, për t’u fejuar pa dëshirën e saj, si dhe konfliktet familjare që kanë patur, konfirmoi zyrtarisht policia e Durrësit. Ndërkohë, burime thanë se vajza, studente për ekonomi-biznes në Tiranë, ka dëshmuar po ashtu se djali që donte ta fejonte i ati me mblesëri, ishte po nga fshati Shën Vlash dhe jetonte në Itali si emigrant, por ajo nuk e donte. Lidhur me dinamikën e vrasjes, ajo ka thënë se e ka vrarë të atin në kasollen e lopës me pistoletën që 49-vjeçari mbante për arsye të punës si roje nate dhe pasi e ka mbështjellë me qese, e ka groposur në oborr, ku edhe u gjet trupi i pajetë. Po ashtu, ka marrë përsipër edhe spostimin e automjetit të të atit nga banesa. Ndërkohë, arma e krimit nuk është gjetur ende. “Grupi i posaçëm hetimor po vijon hetimet e thelluara për të identifikuar dhe vënë përpara përgjegjësisë ligjore, shtetas të tjerë të implikuar në këtë ngjarje”, thuhet në një njoftim të policisë. Edhe të afërm të familjes Meta, në dëshmitë e dhëna për mediat, kanë ngritur dyshime se 19-vjeçarja nuk mund ta kryente krimin e vetme. Trupi i Pëllumb Metës është zhvarrosur dhe është transportuar në Institutin e Mjekësisë Ligjore, për kryerjen e ekspertizës së mëtejshme.

Tirana ka zyrtarizuar emërimin e trajnerit Erbim Fagu. Tekniku 36-vjeçar ka firmosur mëngjesin e së martës. Ish-mbrojtësi rikthehet si pjesë e bardhebluve pas eksperiencës që pati në Holandë. Fagu ishte zëvendëstrajner i Tiranës në sezonin 2021-2022 kur bardheblutë arritën të fitonin titullin kampion. "Pas një eksperience si lojtar i spikatur dhe trajner i moshave si brenda edhe jashtë vendit, Fagu rikthehet në shtëpinë bardheblu tashmë si pjesë kryesore e pankinës së Tiranës. Fagu është tekniku i cili ka dhën kontribut të madh gjatë gjithë rrugëtimit në sezonin 2021-2022 pranë bardhebluve, duke e ndihmuar ekipin e parë në rrugën drejt tiullit kampion. Klubi i Tiranës i uron mirëseardhje trajnerit Erbim Fagu! Në zemër gjithmonë bardh e blu”, thuhet në postimin e klubit kryeqytetas.

Një person ka humbur jetën këtë të mërkurë në Durrës pasi është plagosur me thikë. Viktima është Halil Koka, 46 vjeç. Plagosja ka ndodhur rreth orës 12:30, në lagjen numër 4 të qytetit bregdetar. Sipas një rindërtimi paraprak të ngjarjes, Halil Koka është konfliktuar verbalisht me 35-vjeçarin Ilir Koçilja. Debati agravon dhe në një moment, Koçilja dyshohet se ka goditur me thikë Kokën në pjesën e zemrës. Ngjarja ka ndodhur në trotuarin buzë rrugës, në një zonë të populluar në këtë orë të ditës. Autori Ilir Koçilja (majtas) dhe viktima Halil Koka (djathtas) Dëshmitarët kanë lajmëruar autoritetet, ndërsa i lënduari është transportuar për në spitalin rajonal, por siç konfirmon policia, gjatë rrugës ka humbur jetën. Ilir Koçilja u largua nga vendngjarja pas krimit për tu arrestuar disa orë më pas, në lagjen 11. Policia njoftoi se i gjeti me vete 35-vjeçarit thikën me të cilin dyshohet se kreu vrasjen. Sipas bluve, autori "dyshohet se vuan nga sëmundje mendore". Ende nuk është i qartë shkaku i plagosjes, ndërsa policia njofton paraprakisht se mes palëve pati një “konflikt çasti”. Ndërkaq, burime policore bëjnë me dije se viktima dhe autori jetonin në një pallat, ndërsa dyshohet se sherri mes tyre nisipër një vend parkimi. Një nga dëshmitaret tha për mediat se autori po e ndiqte me vrap 46-vjeçarin para se ky i fundit të rrëzohej në trotuar. Ilir Koçilja rezulton me precedentë të mëparshëm penalë.

Një 27-vjeçar i shpallur në kërkim për përndjekje është arrestuar nga efektivët e komisariatit 1 në Tiranës. Në pranga u vu R.I., 27 vjeç, i nga Maqellara e Dibrës. I riu i arrestuar te “Rruga e Elbasanit” akuzohet se ka përndjekur një shtetase për 1 vit. “Gjykata e Tiranës i ka caktuar 27-vjeçarit masën e sigurisë ‘Arrest në burg’ për veprën penale ‘Përndjekja’, pasi për 1 vit, ka përndjekur një shtetase 29 vjeçe”, njoftoi polica. Arrestimi i 27-vjeçarit erdhi “bazuar në informacionet e siguruara në rrugë operative, mbi vendndodhjen e shtetasit në kërkim”, shtuan të njëjtat burime.

Debati në emisionin “360 gradë” në ABC News ka degraduar me një gjest të pahijshëm nga aktori Laert Vasili, i cili njihet për qëndrimet e tij "pro" qeverisë dhe kryeministrit Edi Rama. Pas një debati verbal në studio me sekretarin e Omonias, Marin Suli, Laert Vasili ngrihet nga vendi dhe i hedh ujë bashkëbiseduesit. Debati Laert Vasili:Po deshe bërtas unë dhe pushojnë të gjithë Marin Suli:Ça ishte kjo me të bërtitur, moj motër ule zërin, se nuk jemi vlla. Laert Vasili:Moj motër më thua mua? Unë jam njeri i besës. motra jeni ju që e shisni s*mën në Omonia Marin Suli:O laro pazari.

Një 30-vjeçar i shpallur në kërkim për drogë nga autoritetet spanjolle është arrestuar nga policia e Fierit. Në pranga me qëllim ekstradimi drejt Spanjës u vu Etmir Pazaj 30 vjeç. “Gjykata e Madridit i ka caktuar 30-vjeçarit masën e sigurisë ‘Arrest në burg’ për veprimtaritë kriminale të kultivimit dhe trafikimit të narkotikëve, si dhe të vjedhjes së energjisë elektrike, të kryera në kuadër të grupit kriminal. Ai akuzohet se në vitin 2022, si pjesëtar i një grupi kriminal në Spanjë, ka kultivuar sasi të konsiderueshme kanabis, në ambiente të mbyllura, në qytetet Barcelonë dhe Girona, duke përdorur llamba që furnizoheshin me energji elektrike të vjedhur”, njoftoi policia.

Ajo që mendohej të ishte një ditë e zakonshme pune rezultoi dita e fundit e jetës për 70-vjeçarin Selman Mihana, i vrarë në ambientet e kompanisë ku ishte i punësuar. Krimi u shënua rreth orës 7 të mëngjesit të kësaj të shtune, në Gurëz të Kurbinit, ku ndodhet firma e inerteve në pronësi të 51-vjeçarit Ardjan Gjeloshi dhe ku punonte Selman Mihana. Dinamika Sipas një rindërtimi paraprak të ngjarjes nga hetuesit, Ardjan Gjeloshi bashkë me ekonomistin e firmës së tij Selman Mihana, ishin duke u futur brenda zyrave të kompanisë, kur ndaj tyre është qëlluar me armë zjarri. Autorët pjesëmarrës në krim dyshohen të kenë qenë më shumë se dy, ndërsa mbetet ende e paqartë se sa prej tyre kanë qenë në rolin e qitësit. Ajo që është konfirmuar nga hetimet paraprake është objektivi i sulmit. Synohej eliminimi i pronarit Ardjan Gjeloshi. Këtë e konfirmoi në një prononcim të shkurtër për gazetarët nga vendngjarja zëvendësdrejtori drejtori i Policisë së Lezhës, Gentian Berberi. Qitja është kryer nga jashtë rrethimit të biznesit, pranë hyrjes. Objektivi mendohet se ka qenë në një largësi rreth 200 metra. Si pasojë e breshërisë së të shtënave, mbeti i plagosur Ardjan Gjeloshi, ndërsa humbi jetën Selman Mihana. Burime spitalore konfirmojë se i plagosuri Gjeloshi ndodhet jashtë rrezikut për jetën. Autorët ndërkohë dyshohet se janë larguar me një automjet pas atentatit. Hetimet Numri dy i policisë së Lezhës, i pyetur nga mediat për shkakun e dyshuar të krimit, tha se po hetohen të gjitha konfliktet dhe mosmarrëveshjet që mund të ketë pasur pronari i firmës së inerteve. Kompania është e pajisur me kamera sigurie dhe këqyrja e tyre nga hetuesit pritet të hedhin më shumë dritë rreth vrasjes. Hetuesit gjithashtu kanë nisur marrjen në pyetje të personave që mendohet të kenë dijeni rreth rastit. Një prej tyre është roja i objektit, që mendohet të ketë parë dinamikën e krimit. Në pyetje pritet të merret edhe i plagosuri. Ndërkohë, një kërkim ka nisur nga blutë për të rënë në gjurmë të autorëve. Përveç policisë lokale, drejt Kurbin shkuan edhe efektivë të Drejtorisë Vendore të Policisë së Lezhës, forcat e posaçme RENEA dhe struktura policore kombëtare e Sigurisë. Hetimet i ka marrë në dorë prokuroria e Lezhës.

Tashmë është bërë traditë që në çdo edicion të ‘BBV3’, banorët duhet të improvizojnë një dasmë tradicionale shqiptare. Çifti i përzgjedhur ishte Ilnisa dhe Meriton, ku në ‘dasmën’ e tyre performoi artistja Valbona Mema. Banorët që ishin të pranishëm në dasmë u mblodhën në oborr duke kërcyer, por një moment ka tërhequr vëmendjen mes Valbonës dhe Roza Latit. Kjo e fundit i drejtohet këngëtares, “zemra ime” dhe më pas i afrohet për ta takuar, por Valbona e injoron duke i kthyer shpinën.

Arrestohet një nga personat e shpallur në kërkim në kuadër të operacionit të koduar “Metamorfoza’ në kuadër të të cilit në korrik 2023 u arrestua dhe biznesmeni strategjik Pëllumb Gjoka, shefi i policisë Oltion Bistri, dhe disa anëtarë të bandës së Bajreve. Forcat RENEA në bashkëpunim me policinë e Shkodrës kanë rrethuar banesënku fshihej në fshatin Kuç 32-vjeçari Shkëlzen Xhenje dhe e kanë vënë në pranga. "32-vjeçari është shtetas me rrezikshmëri shumë të lartë shoqërore, për shkak të akuzave/dënimeve për një shumëllojshmëri veprash penale. Konkretisht, i akuzuar nga SPAK-u, në kuadër të operacionit “Metamorfoza”, për pjesëmarrje në grup të strukturuar kriminal, i shpallur në kërkim nga Policia e Shkodrës, pasi në vitin 2021, në bashkëpunim me 2 shtetas të tjerë, qëlloi me armë zjarri, shtetasit T. P. dhe K. M., si dhe i dënuar me 2 vjet burgim, nga Gjykata e Lezhës, për veprën penale “Futja ose mbajtja e sendeve të ndaluara në institucionin e ekzekutimit të vendimeve me burgim”, njoftoi policia. I riu dyshohet edhe për të shtënat me armë zjarri ditën e djeshme në Shkodër.

Jo vetëm opozita. Përshkallëzim të protestave kanë paralajmëruar edhe fermerët, kërkesat e të cilëve nuk po gjejnë mbështetje nga autoritetet shtetërore. Aktivistë të Sindikatës së Bashkuar të Fermerëve, në formë demonstrative, i lanë kërkesat e tyre të shkruara në një letër me përmasa të konsiderueshme, në hyrjen e Ministrisë se Bujqësisë. Fermerët kërkojnë barazimin e TVSH-së për produktet bujqësore; rimbursim për çdo litër qumësht; naftë pa taksa; faturë TVSH me çmim real nga pika e grumbullimit ditën e dorëzimit të produktit; subvencion për farnat dhe fidanët; subvencion për produktet organike. Ulja në mënyrë të njëanshme të çmimit me të cilat fabrikat e përpunimit e blejnë qumështin nga fermerët vendas, solli protesta në disa zona nga këta të fundit. Nga autoritetet shtetërore, deri më tani, nuk ka shenja të pranimit të kërkesave. Në këto kushte, fermerët kanë paralajmëruar nisjen e protestave, që sipas tyre, do të shtrihet në të gjithë vendin. E radhës është paralajmëruar të shtunën në Korçë. Nëse kërkesat e tyre nuk merren parasysh, thanë përfaqësues të sindikatës, atëherë protestat do të kulmojnë në fillim të marsit në Tiranë, ku para kryeministrisë, fermerët do të protestojnë me mjetet e tyre të punës. Opozita nga ana tjetër ka shprehur mbështetje për kërkesat e fermerëve dhe ka akuzuar qeverinë se gjendja e mjeruar e sektorit vjen si pasojë e korrupsionit masiv nga pushteti.

Një i ri është arrestuar nga policia e Vlorës mbrëmjen e djeshme për armëmbajtje pa leje. Aksioni, siç njoftoi policia, erdhi “bazuar në informacionet e siguruara në rrugë operative se një shtetas, në lagjen ‘29 Nëntori’ lëvizte i armatosur”. Në pranga u vu S S., 34 vjeç, banues në qytetin bregdetar. “Gjatë operacionit, shërbimet e Policisë kanë ndaluar dhe kanë ushtruar kontroll fizik ndaj shtetasit S.S., të cilit i kanë gjetur një armë zjarri pistoletë me krehër dhe municion luftarak, të cilat u sekuestruan në cilësinë e provës materiale”, thuhet më tej në njoftimin e policisë, që ka shpërndarë edhe pamjet e arrestimit të të riut.

Një grup kriminal që trafikonte armë nga Kosova në Shqipëria është goditur nga policia, bënë me dije këtë të Hënë blutë e Tiranës. Tre shqiptarë të Kosovës u vunë në pranga, dy u shpallën në kërkim, ndërsa u sekuestrua 46 kg tritol. Operacioni i koduar “The Same” erdhi pas një hetimi 4-mujor me metoda speciale në bashkëpunim me prokurorinë e Tiranës, njoftoi policia. Në pranga u vunë Rigon Maliqi, 20 vjeç, Lion Pira, 25 vjeç dhe Shkëlqim Halabaku, 27 vjeç, të tre banues në Gjilan. Ata u arrestuar një ditë më parë në afërsi të urës së Gjolës. Në kuadër të këtij hetimi, u shpallën në kërkim edhe 2 shtetas kosovarë. Gjithashtu, gjatë operacionit u sekuestruan 203 kallëpe me lëndë plasëse të dyshuar tritol TNT, me peshë 46 kg. Siç shihet nga pamjet e publikuara nga policia, lënda plasëse ishte fshehur brenda kutive që përdoren për ambalazhimin e lëngjeve. Tritoli, sipas hetimeve, ishte destinuar për t’u përdorur nga grupe kriminale të ndryshme, në territorin e Shqipërisë. Në kuadër të këtij procedimi janë sekuestruar edhe 3 celularë dhe 1 automjet. “Më parë, në kuadër të këtij procedimi janë zhvilluar 2 operacione, janë vënë në pranga 2 persona dhe janë sekuestruar 4 armë zjarri pistoleta, së bashku me krehra dhe municione luftarake, të cilat janë trafikuar nga Kosova në drejtim të Shqipërisë”, njoftoi policia.

Një 45-vjeçar është arrestuar nga policia e Lezhës, që ka sekuestruar 3 mina me telekomandë. Sipas bluve, Ilir Gjoka montonte mina me telekomandë (me lëndë plasëse C4) për shpërthim në distancë, për t’ua shitur më pas grupeve kriminale. Në momentin e ndalimit, atij iu gjet dhe një sasi e vogël kanabisi. “Në qytetin e Lezhës, shërbimet e Policisë kanë lokalizuar shtetasin e dyshuar I.Gj., i cili mund të transportonte minat me telekomandë dhe kanë ndërhyrë menjëherë për ta ndaluar. Gjatë kontrollit, këtij shtetasi iu gjetën të fshehura në trup, 3 mina me telekomandë, me lëndë plasëse C4, për shpërthim në distancë, dhe një sasi të vogël lënde narkotike cannabis sativa. Nga hetimet e deritanishme dyshohet se ky shtetas i montonte vetë minat, me qëllim shitjen grupeve kriminale, për kryerjen e krimeve kundër personit”, njoftoi policia. Në përfundim të veprimeve procedurale, shtuan të njëjtat burime, u arrestua në flagrancë shtetasi 45-vjeçari, banues në Lezhë, si dhe u sekuestruan në cilësinë e provës materiale, 3 minat (të montuara me celularë) dhe sasia e kabanisit. Ndërkohë, hetimet lidhur me rastin vijojnë.

Një incident ka ndodhur këtë të mërkurë në ambientet e jashtme të Prokurorisë së Posaçme, ku një person ka sulmuar me vezë kryetarin e PBDNJ-së, Vangjel Dule. Dule mbërriti në gjykatë për seancën e radhës ndaj Fredi Belerit në Apel, ku ai kundërshton vendimin e refuzimit të lejes së tij për t'u betuar.

Një i ri është vënë në pranga në Rrëshen mbrëmjen e djeshme. Gjatë momentit të ndalimit, sipas policisë, në çantën e shpinës i janë gjetur dy mina me telekomandë. Më tej, gjatë kontrollit në banesë, i është sekuestruar edhe një armë zjarri. Arrestimi Burime zyrtare nga blutë konfirmuan se kishin siguruar informacione nga inteligjenca policore, se një person po transportonte mina me telekomandë që do të shërbenin për të kryer krime kundër personit. Pas kësaj, në hyrje të qytetit të Rrëshenit, efektivët kanë lokalizuar të dyshuarin i cili lëvizte me këmbë në drejtim të qytetit dhe kanë ndërhyrë. M.Gj., 28 vjeç, i cili rezulton banues në Qafë Unazë, njësia administrative Rubik-Mirditë, por rezident në Malin e Zi, është arrestuar. Gjatë kontrollit në çantën e shpinës së 28-vjeçarit, u gjetën dhe sekuestruan në cilësinë e provës materiale, 2 mina me telekomandë me lëndë plasëse C4. Në vijim të veprimeve procedurale, gjatë kontrollit të kryer në banesën e të riut, është gjetur dhe sekuestruar në cilësinë e provës materiale 1 armë zjarri kallashnikov dhe një sasi municioni luftarak. Dyshohet se 2 minat me telekomandë, 28-vjeçari i ka siguruar në Malin e Zi, ku ishte i punësuar. Ndërkohë, hetimi lidhur me rastin është në vijim.

Një arsenal armësh është sekuestruar nga policia në Fier. Sipas bluve, armët i përkasin Vjoni Gjokës, i arrestuar më herët. Armët u gjetën në një ambient në pronësi të tij, thanë burime zyrtare. Armët e sekuestruara: 1 mitraloz të lehtë me fishekë në fole; 20 krehra armësh zjarri pistoletë, të ndryshme; 1krëhër automatiku; 2 bomba dore (granata difensive); 1 sasi të madhe municioni të kalibrave të ndryshëm; 1 sasi fishekësh pistolete, të prodhuar në mënyrë artizanale; 1 pistoletë gjurmëlënëse; 2 radio si të Policisë; 3 krehra disk për mitralozë të lehtë; 5 celularë; 1 GPS. Më herët, 30-vjeçarit, Policia i gjeti dhe sekuestroi 2 armë zjarri pistoleta dhe municion luftarak.

Aksioni opozitar për bllokimin e zhvillimit normal të punimeve të Kuvendit vijoi edhe këtë të Premte, në komisionin e posaçëm të Reformës Zgjedhore. Deputetët demokratë bllokuan ulëset e kolegëve socialistë, ndërsa mes palëve pati debate. “Nuk lejojmë ‘Rama reformë’”, iu drejtua Flamur Noka-Damian Gjiknurit. Në fund, deputetët e PS-së braktisën sallën e mbledhjes. Arsyeja e konfliktit, siç kanë artikuluar deputetët e opozitës, është përbërja e komisionit të posaçëm. Deputetët demokratë kërkojnë zëvendësimin e Enkelejd Alibeaj me Oerd Bylykbashin si bashkëkryetar i komisionit, me argumentin se ai nuk përfaqëson opozitën. Alibeaj nuk u pa të hynte në komision këtë paradite. Por në një deklaratë për mediat më herët gjatë ditës, ai tha se nuk ka ndërmend të tërhiqet nga posti, duke u shprehur se përfaqëson Partinë Demokratike. Kreu i grupit parlamentar të PD-së, Gazment Bardhi deklaroi se është mazhoranca ajo që po bllokon komisionin, duke mos lejuar përfaqësimin e opozitës. “Sot opozita s’ka bllokuar komisionin. Është mazhoranca që ka bllokuar pjesëmarrjen e opozitës. Rama s’ka ndërmend të bëjë zgjedhje të lira dhe të ndershme prandaj nuk dëshiron përfaqësuesit e opozitës në komision. Opozita dëshiron të marrë pjesë, por nuk po lejohet. Opozita dëshiron të mbyllë në një kohë sa më të shpejtë reformën zgjedhore, por ajo po mbahet peng nga mazhoranca”, tha Bardhi në një prononcim për gazetarët pas dështimit të mbledhjes. Nga kampi socialist nuk ka shenja për lëshim. Përkundrazi, kryetari i komisionit nga radhët e PS-së Damian Gjiknuri u shpreh se puna do të vijojë në mënyrë të njëanshme. “Nëse opozita nuk do të bëhet pjesë, do të gjejmë një mënyrë që Reforma të eci përpara", tha Gjiknuri për gazetarët.

Dy persona janë shpallur në kërkim për zjarrvënien ndaj një makine më 4 Janar të këtij viti në Tiranë, në zonën e Unazës së Re. Në kërkim u shpallën F. T., 37 vjeç, dhe M. S., 27 vjeç, të dy banues në Maqedoninë e Veriut. “Nga veprimeve hetimore të kryera ka rezultuar se këta shtetas, në bashkëpunim me njëri-tjetrin, më datë 04.01.2024, në rrugën ‘Astrit Losha’, për motive të dobëta, kanë djegur automjetin e shtetases Xh. T.”, njoftoi policia.

Një 35-vjeçar është arrestuar nga policia në Maminas për dhunë ndaj të atit dhe rezistencë ndaj forcave të policisë. Shërbimet e Policisë, sipas burimeve zyrtare, morën njoftim se në fshatin Rubjek të Maminasit, një person po dhunohej dhe po kërcënohej me mjete prerëse nga djali i tij. Pas informacionit, efektivët kanë shkuar në adresën e dhënë. “Gjatë ndërhyrjes për neutralizimin e 35-vjeçarit Eduart Hoxha që ushtronte dhunë ndaj babait të tij, ai ka kundërshtuar me dhunë shërbimet e Policisë lokale dhe është mbyllur në banesë, bashkë me mjetet prerëse. Ndodhur në këto kushte, në ndihmë të Policisë kanë shkuar Forcat e RENEA-s. Pas disa orësh negociata, Forcat RENEA kanë ndërhyrë me forcë në banesë, duke bërë të mundur neutralizimin dhe vënien në pranga të shtetasit E. H., 35 vjeç, banues në Rubjek”, njofton policia. Në vijim të veprimeve, shërbimet e Policisë sekuestruan mjetet prerëse (sopatë dhe thikë), shtuan të njëjtat burime.

Momenti kur deputeti Nallbati nuk lejohet te futet ne Kuvend

Një aksident është regjistruar paraditen e sotme në “rrugën e Arbrit”. Sipas policisë, dy persona kanë humbur jetën. “Në Rrugën e Arbrit, afër Shkallës së Tujanit, janë përplasur 2 automjete. Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën. Drejtuesi i automjetit tjetër, shtetasi K. R., ndodhet në spital, në kujdesin e mjekëve. Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën”, thuhet në njoftimin e bluve. Aksidenti ka shkaktuar trafik të rënduar në zonë.

Atentati ndaj 40-vjeçarit në Shkodër, flet dëshmitarja

Të shtëna me armë zjarri janë rregjistruar në Shkodër. Një person ka mbetur i plagosur pasi ndaj tij janë qëlluar 4 plumba. Ngjarja ka ndodhur pranë një pike këmbimi valutor në qendër të qytetit. Policia është vënë në ndjekje të autorit të dyshuar i cili u largua me një biçikletë nga vendngjarja.

Momenti i vrasjes së Elton Javerit në Fier